Мұғалімдік - үнемі жаңашылдық пен ізденісті талап ететін мамандықтардың бірі. Ғылым мен техниканың дамыған кезеңінде білім саласында жетістіктерге жетудің тиімді жолдарының бірі - халықаралық технологиялар.
“Дарынды шәкірт - білікті ұстаздан” деген пікірді басшылыққа алатын С. Сейфуллин атындағы гимназия ұстаздары Халықаралық Сингапур әдіс-тәсілдерін өз тәжірибелеріне енгізуде.
Сингапур әдістерінің оқып-үйрену және практикада қолдану жолдарын талқылау мақсатында бастауыш сынып мұғалімдері Наурызбаева С.Х. мен Досанова Г.Т. “ Халықаралық технологияларды тәжірибеде қолдану” тақырыбында ғылыми-практикалық семинар өткізді. Семинар барысында ұстаздар “ Тайм-Раунд-Робин”, “Дейін-кейін”, “ Ұшу-қону”, “ Релли -Тейбл” т.б. әдістердің қолданылуы жайлы талқылап, әр пән мұғалімдері өз пәндері бойынша әдістердің тиімділігі жайлы айтып өтті.
