Ұлытау облысы білім басқармасының «Сәтбаев қаласы білім бөлімінің «С.Сейфуллин атындағы гимназиясы» КММ
КГУ "Гимназия имени С.Сейфуллина» отдела образования города Сатпаев управления образования области Ұлытау
МЕНЮ
5-қазан Ұстаздар күні қарсаңында Сәкен Сейфуллин атындағы гимназияның директоры Гульсана Амантаевна Джакипова облыстық Үздіктер байқауында «Үздік директор – 2025» номинациясымен марапатталды. Бұл мәртебелі марапат – гимназия ұжымының соңғы үш жылдағы қажырлы еңбегінің, табанды ізденісінің және жарқын жетістіктерінің айғағы десек, артық айтқандық емес.
Гүлсана Амантайқызы басшылық еткен уақыт ішінде гимназия көптеген биік белестерді бағындырды:
• Үш жыл қатарынан облыстық деңгейде «Инновациялық мектептер арасындағы үздік олимпиадалық команда», «Қоғамдық-гуманитарлық бағыт пәндері бойынша үздік олимпиадалық команда» атағына ие болды;
• 2023 жылы «Үздік мектеп» атанды;
• 2024 жылы «ARQA» білім сапасын бағалау және аккредиттеу жөніндегі тәуелсіз агенттік тарапынан 5 жылға аккредиттелді;
• 2025 жылы Қазақстан Республикасы Білім саласында сапаны қамтамасыз ету департаментінің ресми рейтингі бойынша еліміздегі 100 үздік мектептің қатарына енді.
2024–2025 оқу жылында Гульсана Амантаевна гимназия қабырғасында Сәкен Сейфуллиннің 130 жылдығына орай республикалық ғылыми-практикалық конференция мен облыстық деңгейдегі әдістемелік семинардың жоғары деңгейде ұйымдастырылуына ұйытқы болды. Бүгінде Сәкен Сейфуллин атындағы гимназия – өңіріміздегі беделі жоғары, жаңашылдыққа ұмтылған, табысты білім ордасы. Мұндай жетістікке жетуде Гульсана Амантаевнаның еңбегі ерекше екенін айрықша атап өткен жөн.
Гульсана Амантаевнаны осы лайықты марапатымен шын жүректен құттықтап, шығармашылық табыс пен жаңа белестер тілейміз
Ұстаздар күніне арналған “Мың алғыс саған, ұстазым” атты сахналық қойылымы.
Сценарий авторы: Бұқар Амангелді Оразұлы
Сіздердің қажырлы еңбектеріңіз жас ұрпақтың жүрегіне нұр құйып, ізгілік пен білімнің шамшырағын жағып келеді. Осы орайда қалалық "Ұстаз – ұлт шамшырағы" атты мерекелік іс-шарада марапатталған барша әріптестерімізді шын жүректен құттықтай отырып, еңбектеріңізге толайым табыс, шығармашылық жетістіктер, шәкірттеріңіздің алғысы мен құрметіне бөлене берулеріңізді тілейміз.
“Үздік директордың орынбасары” – Сеилова Ақерке Абдулиевна«Ұлағатты ұстаз» – Естиярова Роза Абсалыковна«Үздік пән мұғалімі»– Акимжанова Гаухар СауалхановнаҰлытау облысы Білім басқармасының Құрмет грамотасы – Байкісі МеруертКәсіподақ ұйымының Құрмет грамотасымен – Бикмуллина Гульнара Рашитовна, Панькова Елена Осиповна, Сеилова Акерке Абдулиевна.Марапаттарыңыз құтты болып, мәртебелеріңіз асқақтай берсін, құрметті әріптестер!
ДИРЕКТОР БЛОГІ
© 2025 Ұлытау облысы білім басқармасының «Сәтбаев қаласы
білім бөлімінің «С.Сейфуллин атындағы гимназиясы» КММ КГУ "Гимназия имени С.Сейфуллина» отдела образования города Сатпаев управления образования области Ұлытау